Ինչու՞ է ծրագրավորումը կարևոր: Որո՞նք են դրա առավելությունները:

1. Ծրագրավորողները պահանջված են

Ըստ Code.org-ի` STEM նոր աշխատատեղերի 67%-ը ծրագրավորման ոլորտից է, սակայն շրջանավարտների միայն 11%-ն է ավարտում Համակարգչային գիտություն բաժինները:

2. Քոլեջ, աշխատանքի կամ փորձնակության դիմելու դեպքում կոդավորումը հանդիսանում է մրցակցային առավելություն

Երբ դուք, ի տարբերություն ձեր մրցակիցների, ունեք տարբերվող և պահանջված հմտություն, օրինակ՝ կոդավորումը, դուք անմիջապես դառնում եք ավելի գրավիչ ձեր գործատուի աչքերում: Սա մի պարզ ճշմարտություն է:

3. Ծրագրավորման հմտություններին տիրապետող ուսանողները ավելի լավ են հասկանում իրենց շրջապատող աշխարհը

Մեզանից շատերը էլեմենտար գիտելիքներ չունեն այն մասին, թե ինչպես են աշխատում մեր հեռախոսները, համակարգիչները, սոցիալական հարթակները, խաղերը: Ծագրավորման հիմունքներին տիրապետելով՝ մենք կարող ենք մեր ազդեցությունն ունենալ առօրյա սարքավորումների օգտագործման մեջ: Բավական է պարզապես բացահայտել կոդավորման զարմանահրաշ աշխարհը:

4. Ծրագրավորումը զվարճալի,հաճելի և արդյունավետ զբաղմունք է

Ծրագրավորումը տրամաբանության վրա հիմնված զբաղմունք է: Սակայն այն նաև ակտիվորեն զարգացնում է ստեղծագործ մտածողությունը: Տիրապետելով կոդավորմանը՝ դուք ինքներդ կարող եք ստեղծել վերը նշված հավելվածները, վիդեոխաղերը, վեբկայքերը և շատ ավելին:

Շատ ծրագրավորողների համար կոդավորման ամենահաճելի պահը մարտահրավերների հաղթահարումն է, և արդյունքում իրենց կոդը կյանքի կոչված տեսնելն է: Ուստի մի վախեցեք. ճիշտ հրահանգավորման դեպքում ծրագրավորումը կդառնա շատ հեշտ և հաճելի զբաղմունք:

5. Ծրագրավորումը զարգացնում է ստեղծագործ մտածողությունը

Երբ դուք սովորում եք որևէ լեզու, դա օգնում է ինքնաարտահայտվել: Սա նաև վերաբերվում է կոդին: Համակարգչային կոդավորումը խրախուսում է ոչ միայն թվային մեդիայի և տեխնոլոգիաների օգտագործումը, այլև ստեղծում է այն: Պատկերացրեք, որ պարզապես խաղ խաղալու կամ վեբկայք այցելելու փոխարեն դուք կարող եք ինքներդ ստանալ ձերը: Եվ դուք ունեք լիարժեք ստեղծագործելու ազատություն:

Այսպիսով, առավելությունները միշտ չէ որ վերաբերվում են համակարգչային գիտությանը: Վերը նշվածներից պարզ է դառնում, որ բազմաթիվ առավելություններ ունի հենց կոդավորումը: Սակայն այս ոլորտն իր հերթին պահանջում է իր հանդեպ սեր և հետաքրքրություն:

6. Կոդավորումն օգնում է խնդիրների լուծմանը

Երբ երեխաները կոդավորում են, նրանց առջև դրվում են բարդ խնդիրներ, որոնք անհրաժեշտ է մասնատել փոքր բաղկացուցիչների:

Երեխաները սովորում են մոտենալ խնդրին և լուծում տլ այնպես, ինչպես դա կաներ ծրագրավորողը՝ տրամաբանական, հաշվարկային մտածողության միջոցով:

Ինչպես ասում է SongKick ընկերության հիմնադիր Դեն Կրոուն, “Հաշվարկային մտածողությունը սովորեցնում է, ինչպես լուծել մեծ խնդիրները՝ բաժանելով դրանք ավելի հեշտ լուծելի փոքր մասերի”:

Այսպիսով, տրամաբանական մտածողությունը հզոր գործիք է, որը կարող է օգնել դպրոցում, աշխատավայրում և, առհասարակ, կյանքում:

7. Ծրագրավորումը բարելավում է դիմադրողականությունը

Քրագրավորման յուրացումը, ինչպես յուրաքանչյուր այլ ոլորտի, ինքնին մարտահրավեր է: Իսկ բարդ խնդիրների լուծման ճանապարհին սխալներ թույլ տալը կարող է հիասթափեցնել:

Ծրագրավորումը տալիս է այնպիսի արժեքավոր հմտություն, ինչպիսին է մարտահրավերների հանդեպ դիմադրողականությունը: Խնդիրների դեմ դուրս գալը և հետազոտությունների ու համագործակցությունների օգնությամբ դրանց համար լուծումներ փնտրելը իսկապես նախանձելի հմտություն է:

8. Ծրագրավորումը բարելավում է թիմային աշխատանքը

Յուրաքանչյուր ուսանող կարող է սովորել, և յուրաքանչյուր ուսանող կարող է սովորել, ինչպես կոդավորել՝ այդ թվում և երեխաները, տարբեր սեռի, ռասայի և սոցալական խմբերի ներկայացուցիչները հավասարապես: Երեխաները սովորում են, ինչպես համագործակցել, զարգացնում թիմային աշխատանքը հասակակիցների շրջանում՝ կիսելով տեխնոլոգիաների նկատմամբ հավասարաչափ հետաքրքրվածություն:

Դասասենյակները և այլ դեմ-առ-դեմ ներկայություն ապահովող միջավայրերն են ապահովում երեխաների շփումը: Ծրագրավորումն առցանց ուսումնասիրող երեխաները նույնպես կարող են հասնել հաջողության՝ միմյանց հարցեր տալով, միասին խնդիրների լուծումներ փնտրելով և ստեղծագործելով:

Շատ խաղեր, ինչպես, օրինակ, Minecraft-ը, առաջարկում են մի խումբ կրթական առավելություններ, քանի որ դրանք միավորում են ամբողջ աշխարհի երեխաներին կոդավորման, համագործակցության և մասնակցության շուրջ:

9. Կոդավորումը բարելավում է շփումը

Շփումն անչափ կարևոր հմտություն է՝ թե՛ դպրոցում, թե՛ աշխատավայրում, և թե՛ կյանքում: Այն մարդիկ, ովքեր կարողանում են պարզ արտահայտվել և շփվել բարդ խնդիրների վերաբերյալ առավել հակված են հաջողության հաջողության կյանքի տարբեր ոլորտներում:

Երբ երեխաները սովորում են կոդավորել, նրանք սովորում են նաև շփվել ամենապարզ մտածողությունն ունեցող սարքերի՝ համակարգիչների հետ: Ինչպես բազմիցս նշվեց, համակարգչային կոդավորումը սովորեցնում է երեխաներին մասնատել բարդ խնդիրները և դասակարգել դրանք այնպես, որպեսզի համակարգիչները կարողանան հասկանալ: