top of page

Դու կդառնաս հաջողակ ծրագրավորող, եթե

Ծրագրավորումը սովորեցնում է մտածել, վերլուծել, քննարկել, տարբերակներ փնտրել, սխալվել և նորից փորձել։ Հենց այս հատկանիշներն են դարձնելու քեզ ամենալավ ծրագրավորողը։ Երբեմն նրանք փոխում են աշխարհն ու դարձնում ավելի լավը։


Հ՜մմ, արի հասկանանք, թե ընթերցողներից ովքեր թեկուզ շաատ փոքրիկ առնչություն են ունեցել ծրագրավորման լեզուների հետ։

  • Ես սովորում եմ ծրագրավորում

  • Ծրագրավորող եմ

  • Ծնող եմ

You can vote for more than one answer.


Եթե դեռ նորեկ ես «աշխարհը փոխողների լիգայում», ուրեմն ուշադի՛ր կարդա մեր խորհուրդները, կիրառի՛ր ամեն օր, պահպանի՛ր և ժամանակ առ ժամանակ վերընթերցի՛ր։


1. Շա՛տ ժամանակ հատկացրու խնդրի ուսումնասիրմանը, վերլուծությանը և դրա լուծման փնտրտուքներին։ Խնդիրն իմանալուն պես մի՛ շտապիր նստել համակարգչի առաջ։ Դու կարող ես պարզապես հանգստանալ, նայել երկնքին ու մտածել դրա մասին։ Հենց հասկացար ողջ էությունն ու բոլոր կողմերը, ամեն բան ավելի հեշտ կլինի։


Ուրիշի կոդը ևս կարող է շատ բան սովորեցնել։

2. Պարբերաբար ուսումնասիրի՛ր փորձառու ծրագրավորողների կոդերը, հնարավորության դեպքում ունեցի՛ր դրանք ձեռքի տակ։ Հնարավոր է՝ ինչ-որ պահի դրանցում գտնես քո խնդրի լուծման տարբերակներից մեկը։


3. Գտի՛ր ընկեր, որի հետ կաշխատես նախագծի շուրջ, միասին կոդեր կգրեք։

Շարունակի՛ր սովորել, կարդալ, բայց երբեմն էլ ՝ աշխատել թիմակցի հետ։

Նախ՝ միասին աշխատանքն ուրախ է անցնում, բացի այդ, միշտ կլինի մեկն, ով կողքից նայում է քո կոդին ու երբեմն գտնում թերությունները, որ դու, գուցե, չես տեսում։ 

Այդպես ավելի հեշտ կհասկանաս, թե որոնք են թույլ կողմերդ, և կաշխատես այդ ուղղությամբ։ Արդյունքում՝ արագ կզարգանաս։


4. Եղի՛ր ինքնավստահ․

երբ նոր ես սկսում կոդավորել, շատ հարցեր կարող են առաջանալ, բայց վստահի՛ր զգացողություններիդ և մի՛ վախեցիր սխալվել։ Սխալվելն ու դրանք շտկելը նշանակում է, որ աճում ես։


5. Եղի՛ր համառ․

կլինեն պահեր, երբ կոդը սխալ գրված կլինի, և քեզնից շատ ժամանակ կպահանջվի այն ուղղելու համար։ Դա բնական է․ ծրագրային սխալներ գտնելն ու շտկելը կոդավորողների կյանքի մեծ մասն են կազմում: Պետք է համբերատար լինել, գտնել սխալը և ուղղել այն։ Չմոռանա՛ս նաև ուշադիր լինել դետալների նկատմամբ։


6. Մի՛ համեմատիր քեզ ուրիշների հետ։

Բոլորն ունեն իրենց ուժեղ և թույլ կողմերը։ Գտի՛ր սեփական սխալներդ և աշխատի՛ր այդ ուղղությամբ։ Գր՛ի առ բոլոր այն կետերը, որոնք պիտի բարելավես։ Ամենակարևորը՝ արա՛ դա հաճույքով , և հաջողությունն անխուսափելի կլինի։


Եվ վերջում, որքան հնարավոր է շուտ, արի Think

Այստեղ դու կգտնես ուսուցիչների և համախոհների, որոնց հետ հաջողության ճանապարհն ավելի կարճ կլինի։


Փորձնական դասերը մեզ մոտ այնքան հետաքրքիր ու արդյունավետ են անցնում

Արի փորձնական դասի, ծանոթացիր ծրագրավորման աշխարհին ամենահետաքրքիր դասերով ու երիտասարդ ծրագրավորորղ-թրեյներերով։


댓글


bottom of page